連開三場的《Twins人人彈起演唱會》今晚假紅館開鑼，由於今次是Twins的「合體」個唱，故連日來均馬不停蹄積極綵排，昨日Twins與12名女Dancer綵排「疊羅漢」期間，兩名站在最高處的女Dancer失平衡，由逾十呎高直墮舞台，由於二人頭部先着地兼動彈不得，工作人員馬上報警兼Call白車將她們送院，救護員到場後先為二人包紮傷口，其中一人更要戴上頸箍。

女舞蹈員由高處墮下受傷，由救護車送院。

放大圖片

感動眼濕濕

事發後大批記者抵達紅館了解，由於Twins仍在綵排，經理人霍汶希（Mani）說：「Twins冇份疊羅漢，佢哋只係企喺台中間唱，但就目擊整個過程，雖然好驚，但都第一時間叫停音樂，安慰兩位Dancer！」據知兩名Dancer傷後曾表示，若傷勢不嚴重會重返紅館繼續綵排，感動得Twins熱淚盈眶，而Mani則表示不擔心事件影響演出，笑言必要時排舞師會親身上陣：「我哋之後收到電話知道兩個舞蹈員嘅傷勢唔係太嚴重，所以放心好多！」

今晚開騷的Twins，爭取時間綵排。

阿嬌（左）與阿Sa站在高台唱歌，一名男工作人員在身後護駕。

Twins亦分別升到舞台中央的旋轉舞台上合唱，由於發生舞蹈員墮地事件，為安全起見，一名男工作人員特別跪到台邊近距離保護Twins，而Mani則站在台邊(目及)實，只見Twins落台時分外小心，避免意外再生。