16/04/2010

播放本新聞相關短片

劉心悠睇好華哥君如稱帝封后

本屆《金像獎》的賽果將於周日晚揭盅,劉心悠看好任達華與吳君如奪得今屆的影帝后!前晚她出席時裝品牌ATSURO TAYAMA及A.T花生騷,問到可有心水影帝人選?她說:「華哥(任達華)!我希望佢可以成為雙料影帝,我好鍾意佢嗰套《天水圍的夜與霧》!我覺得係時候o架喇!係佢喇!(佢有兩部戲獲提名會分薄選票?)唔怕!兩部咪50、50囉!加埋就100喇!」當她得悉另一位候選影后趙薇誕下女兒後,她開心地說:「恭喜恭喜!第時我結咗婚之後要生三個。(接唔接受做未婚媽媽?)如果各方面Ready我唔介意,係老人家會介意啲!我亦唔在意一紙婚書。」