早前陳法拉被本報拍到多次出入男友薛世恒位於九龍塘畢架山的豪宅，昨日她出席《愛彼錶女皇盃》活動時，承認已在該處住了一段時間，默認與男友同居：「我一向住嗰度！（同居一段時間？）私人嘢唔交代，住咗一段時間！（層樓有冇你個名？）私人嘢唔使講太多！」此外，有份角逐新人獎的她透露，已為《金像獎頒獎禮》當晚挑選戰衣：「件晚裝好透視，相信冇人接受到，改吓先着得！（男友到場支持）希望多啲朋友嚟！（預留K房慶功？）咁又冇喎！（期待男友現身？）期待紅地氈多啲。」

惠英紅自己打自己

至於金像獎「最佳女主角」大熱惠英紅，昨日出席活動時表示，如果當晚得獎會有私人慶功，若沒有獎亦會出席大會慶功，可惜她未知陳嘉上已宣布取消慶功！

惠英紅成為金像獎影后大熱，當然喜上眉梢！

前晚惠英紅與《鐵馬尋橋》演員鄭嘉穎及元秋等食飯慶功。

對於有份演出的《鐵馬尋橋》上周最高有33點收視，惠英紅感到滿意，前晚與同劇演員食飯慶功，眾人希望大結局能撼低友台的《金像獎頒獎禮》，並祝她能膺女主角。談到當晚「自己打自己」，她說：「唔好咁講！收視想劇集贏，但係又想拎個獎！」而金像獎主席陳嘉上表示，無綫轉播頒獎禮剪得支離破碎，今年合約訂明播映的電視台要播足本頒獎禮。鑑於往年得獎演員都會出席電影公司的慶功宴，而出席大會慶功只是「到一到」，所以今年大會不會搞慶功宴，節省逾三十萬元。