陳鴻業太太鄭詩韻（Michelle）早前生咗個仔，事隔只係一個月多啲，小小So見佢已經收晒身，難得嘅係，佢嘅上圍比未生之前升Cup唔少，真係令人羨慕。
Michelle笑住話只要一直餵人奶，上圍就唔會跌Cup，仲話：「我初時諗住咁都幾好，不過一停餵人奶就會細番，希望唔會細過以前啦！」已經餵咗人奶一個月嘅Michelle，話覺得自己好似一隻牛，因為每日都要飲好多湯水去谷奶，飲完湯就要餵奶：「我每日就係飲湯、餵奶同去廁所，日日都重複呢幾樣嘢。」
生完BB之後，Michelle話除咗飲湯谷奶進補之外，就係食啲淡而無味嘅飯餸去調理身體，連埋懷孕嗰段時期，佢大嘆已經有好耐未出過街食飯，所以好想嚟個大解放咁話！