14/04/2010

播放本新聞相關短片

李宇春打到驚

《十月圍城》導演陳德森:「李宇春初時話冇武術根底,我都好擔心,點知之後佢好快上手,睇得出佢事前有做功課,好努力!捱到第四日佢同我講,話打到個頭同個身好似分開咗,爭啲起唔到身。」

《歲月神偷》監製張婉婷:「其他戲唔同嘅角色都可以互補不足,但呢套戲一家四口冇咗邊個都唔得,有人做得差啲,都會影響全片效果,好彩李治廷同鍾紹圖都交足功課,我仲想搵佢哋拍西域古裝片,講兩隻馬騮點樣學功夫,一定好好笑!」

《淚王子》導演楊凡:「朱璇個角色好難做,我拍咁多戲,第一次睇番錄影會流淚,就係朱璇演嘅內心戲!佢Ending場戲做得最好,將好複雜嘅心態表現咗出嚟。」

《LAUGHING GOR之變節》導演邱禮濤:「法拉演得好好,冇令我失望!(法拉好勤力?)係呀!除咗勤力,仲跑得好快,天華都唔夠佢跑!」