昨日Twins為演唱會排舞，阿嬌帶着大眼袋，自爆睡眠不足見頭暈：「日頭排舞夜晚練歌，好多嘢要記。（唔怕個唱前『累』低？）啋！我唔夠瞓啫！之前都有暈一暈，手指插落地搞到指甲爆開。」惟她否認因減肥過度而暈倒，還表示會減到開騷為止，對於經理人霍汶希指她的歌衫少布兼窄，阿嬌信心十足地說：「到時Fit畀大家睇！」

陳偉霆帶同止汗劑探班，祖兒則自備「兩梳蕉」。

雖然睡眠不足，但阿嬌排舞時仍相當落力，絕不欺場。

William送止汗劑

至於師姐容祖兒及師弟陳偉霆（William）專誠前往探班打氣，祖兒還踢爆William舞興大發，混入舞蹈員中跳舞。兩手空空的祖兒，揚言有空必定睇足三場，出錢出力支持師妹，她說：「佢哋會請朋友上台一齊玩，我要準備平底鞋，平時我着6、7吋高踭鞋，今次為咗尊重佢哋，要準備平底鞋，因為佢哋係兒童樂園，要配合佢哋！」而William則送上由他代言的止汗劑：「每次跳完舞啲女同事都離我而去，覺得我好臭，但噴完就好香！（師姐跳完舞都臭？）佢哋唔臭，係送畀Dancers，師姐跳得好好，好有女人味！」