高海寧昨日出席高爾夫球品牌活動，對於有指她與旅行社富家子在車廂中咀嘴，她說：「我哋喺架車度真係咩都冇做過，嗰日我買咗個iPhone殼，佢幫我裝。我哋識咗幾年，大家係普通朋友，真係唔係拍拖。（有冇發展機會？）現階段唔會考慮，目前以工作為重，想搏殺同買樓。」高海寧雙眼通紅及嗚咽地表示，最不開心是媽咪上封面：「好對唔住媽咪，我係圈中人，自己願意承擔，但媽咪係冇必要去承擔嘅，懇請大家唔好再搵我媽咪回應。」
此外，陳倩揚前晚擔任仁濟就職活動司儀時坦言，曾與高海寧及該男友人飯敍：「嗰個（指該男士）係圍內嘅朋友，大家食過幾次飯，一班人時唔覺得佢哋特別親熱，張相都影唔到啲乜。」
