14/04/2010

播放本新聞相關短片

發哥發嫂睇中2.6億萬呎8號屋

影壇吸金王周潤發近日盛傳斥資約2.5至2.6億元,購入貝沙灣5期8號近萬呎的獨立屋,倘消息屬實,呎價高達28,000元。昨日發嫂承認曾睇樓及屬心水之選,但否認已購入,要看對方開條件及多看樓盤作比較才再決定!

向來投資有道的周潤發,多年來與太太陳薈蓮(發嫂)居於九龍塘豪宅,其實早於04年發哥曾以4,000萬元購入嘉珀山豪宅一個頂樓連天台、逾五千呎複式單位,本來兩人打算搬入上址,惟當時忙於開工,加上發哥始終對獨立屋情有獨鍾,故至今年才積極搵屋。

呎價二萬八

原來發哥趁早前復活節假期,與發嫂拍拖到貝沙灣睇樓,近日地產市場盛傳,發哥斥資約2.5至2.6億元購入薄扶林貝沙灣5期8號獨立屋,呎價約28,000元,即將搬過海做業主!

昨日記者致電發嫂,她承認與發哥在復活節期間睇樓,但否認已扑錘,目前仍在考慮中。發哥睇中的四層獨立屋,面積達9,254呎,除有私人泳池及1,600呎花園外,全屋共有六間套房,頂層主人房設有千呎空中花園,飽覽無敵大海景!對於市場盛傳發哥已購入單位,發嫂說:「覺得好好笑,我只係去咗睇樓,唔明點解話我買咗,我哋係復活節去睇,都好鍾意。」

發嫂表示與發哥有意遷出九龍塘豪宅,因此近日四出睇樓物色新居,首要條件一定要是獨立屋,其次是單位有嚴密保安,以防狗仔隊偷拍,她說:「條件係要有海景,間屋夠大,高密度保安,發哥睇咗都覺得OK,但真係未買。搬屋不急於一時,要睇啱先買!」

由於發哥貴為國際巨星,發嫂坦言每次外出睇樓都花很多時間,她說:「老公唔方便自己親身去睇樓,所以我會先睇過,認為有合適條件先再一齊睇,所以好花時間。(咁係咪打算買呢間獨立屋?)我只可以講係其中一個心水,因為價位唔平,要認真考慮清楚,亦要睇賣家開出嘅條件好唔好,唔好就唔會考慮。」

風水好旺事業

雖然貝沙灣五期共有33間獨立洋房,但只有5號至8號洋房有近萬呎面積,發哥發嫂特別挑選8號洋房,除了取其「8」與「發」字諧音相似,還寓意發哥繼續吸金!近年其實有不少明星進駐貝沙灣,包括古天樂、張家輝及鄧麗欣,著名堪輿學家麥玲玲指貝沙灣正行「下元八運」,是旺財之地,對事業運亦有幫助。

專案組