第一屆金像獎影后惠英紅，今年再憑《心魔》角逐最佳女主角，據知經過兩輪票選後，她暫以最高得票，些微領先《歲月神偷》的吳君如及《天水圍的夜與霧》的張靜初，雖然還有小部分評審的「遲交票」未點算，但小紅已有極大機會相隔28年再登影后寶座！至於男主角則是任達華和王學圻之爭，但因華哥憑《歲》片和《天》片兩部戲入圍，票源被分薄，令《十月圍城》的王學圻更有利成為影帝頂頭大熱！

惠英紅試千萬行頭，為周日的金像獎作準備。

惠英紅試戰衣時High爆，不停轉圈似足跳舞。

試戴千六萬首飾

小紅積極備戰金像獎，務求以至靚打扮搶鏡，日前已出動揀戰衣，先到中環ifc的Escada試晚裝，店內琳琅滿目，最後她挑選一襲紫色低V晚裝，試穿後在鏡前左照右照，又雀躍地轉圈及揮舞裙襬，充滿信心！其後她到皇廷珠寶試戴千萬行頭，尤其鍾情價值1,680萬元的紅寶石首飾，但她仍未鎖定心水：「未決定着乜，可能會揀綠色晚裝，隻色旺我！要感謝咁多朋友幫我，有咁勁嘅行頭令我信心大增。」小紅曾表示再奪影后意義重大，因此早已積極備戰：「二月已經開始度期，諗住抖足精神，將全副精神放喺金像獎度。」雖然君如因《歲月神偷》在海外揚威而增加得獎呼聲，但小紅依然充滿自信：「同君如好老友，邊個攞都開心，我個角色精神唔健全，難度高啲，但都要睇評審決定，成數好難講，去到4月18號朝早都仲評緊，希望天時、地利、人和啦！」

任達華　吳君如

有指王學圻將力壓任達華，大熱稱帝。資料圖片

崔建邦有份做評審

金像獎各項獎項的評審方法分兩輪評選，「第一輪評選」由香港電影金像獎選民及第一輪一百人評審團投票選出入圍名單，而「第二輪評選」則由第二輪五十人專業評審團及金像獎十二個屬會會員、聯同香港作曲家及作詞家協會會員選出得獎者，今年五十人專業評審團名單包括楊采妮、鍾欣桐及田啟文等，至於最近官司纏身的崔建邦是演藝人協會代表，亦是評審之一，而第二輪投票已於上月29日完成。