前晚保良局就職晚宴上，諸葛梓岐高調拖薛嘉麟成為焦點，而賭王四太梁安琪孻女、11歲的何超欣的精靈妙語亦十分搶鏡！超欣表示剛從杭州返港，甫落機即到場支持任總理的母親，更取出一條粉紅色絲巾送給四太作手信，冧得四太即場錫她和戴在頸上。精乖的超欣自言沒有偏心，亦買了雞玉像送給賭王，保佑他身體健康，問到有沒有陪伴休養中的賭王？超欣說：「有玩啤牌21點！（邊個贏？）我通常做派牌。（爸爸話想返澳門？）我知！我上網睇咗報紙，我不嬲有陪佢。（有冇睇埋自己嘅新聞？）冇！我費事理。」
問到四太給她多少零用？她笑說：「媽咪冇畀錢我，因為我有錢。（你身家有冇八位數字？）你哋（指着記者）應該有，不過我爸爸都有。」提到賭王曾讚她是最漂亮的女兒，超欣搞笑地說：「佢客氣啫！個個都靚！（你有冇偶像？）Lady GaGa。（爸爸係咪你偶像？）係！因為佢好靚仔。」她又表示想到英國留學，希望長大後能當會計師，問到想不想做o靚模？她即反應甚大地說：「唔想！做埋啲咁嘅嘢！」自爆6月12日生日的她被問到生日願望時說：「我要有嘅嘢都已經有喇！」
