諸葛梓岐（Marie）與Neway太子爺薛嘉麟的分手風波，前晚告一段落！前晚保良局舉行就職晚宴，首次擔任總理的薛嘉麟，與Marie十指緊扣到場，成為全場焦點，Marie風騷地表示專誠來支持男友，問到是否特地十指緊扣證情未變？她甜笑說：「都開心嘅。（男友話你哋冇分手？）係囉！但遲啲你哋又問o架啦！不過我今日嚟係支持佢，有咩問番薛總理啦！」問到是否瞓身支持？她即得戚地指男友不捨得她瞓身。至於男友做總理，會否投訴冇時間陪她？Marie說：「大家咁話啦！我都好忙o架，咁做嘢係應該嘅！」她解釋早前被指與男友分手實屬誤會，只是不想多談感情事，問到是否效法陳法拉將感情事低調？她即說：「人哋嘅嘢唔講，唔回應！（壓力大？）一定有，睇吓點做啦！（咩壓力？薛家屋企唔想你講咁多？）佢全家都係讀書人，好通情達理嘅！（等佢做主席先結婚？）唔想次次出嚟都關注感情事。」

Marie與薛嘉麟急急腳到Neway CEO，才成功撇甩記者。

放大圖片

提感情事緊張標汗

至於薛嘉麟被問到感情事時，即顯得不知所措，問到會否做女友與法拉的「和事老」？他即扮傻反問「和事老」是否食物，繼而拉開話題，自言做總理做得好，但記者提問令他大感壓力，問到會否叫Marie低調些？他即表示要講有關保良局的事，再問到是否升任主席後才和女友結婚？他說：「我今日先第一日做總理。（佢係咪你結婚對象？）你哋問到我滴汗，依家好熱呀！」首次擔任總理的他只獲女友撐場，薛嘉麟指父母不在港，哥哥薛世恒與陳法拉則有事未能捧場。前晚約11時許晚宴結束，Marie即與男友離開，登上Marie一早租下的七人車，期間多次想擺脫記者不果，最後駕駛到其「地盤」Neway CEO落車，才成功撇甩記者。

金紫耀（左）一支公到場，不見女友陳文媛陪伴。

陳法拉與男友薛世恒因事沒有捧薛嘉麟場。(資料圖片)

同場鯊魚女陳細潔與一名男子到場，她否認對方是男友：「我冇拍拖！你哋唔覺得我乾乾哋咩？平時都係玩狗為樂，狗狗成為愛人，同狗拍拖最好，唔使擔心佢出外偷食。」她表示認識同樣愛狗的狄娜兒子馬天如，並讚對方愛錫狗隻。