鍾蕙芝（Lavina）昨日23歲牛一，粉絲為她舉行生日會，不過她竟收起性感，改以「露腰愛麗斯」Look示人。問到今年貴庚？她不好意思地說：「唔好問啦！23歲喇！過埋呢年就要倒數年齡！」席間她狂騷手上的鑽飾，但否認有男士送禮：「有1卡o架！手鏈都係自己買，過去一年有工作，要慰勞自己！（買咗幾多錢？）都6位數字o架！（嘩！）咁6位數都可以有高有低嘅！」她坦言希望收到男友送的戒指，不過仍未找到合心水的人：「希望搵到個啱心水嘅！咁我都有人追嘅！（怕唔怕男仔只係為咗你身材？）咁身材都係我嘅一部分，最希望係愛我整個人！」她又自爆昨日收到神秘人送上熊公仔及花：「神秘人約我夜晚11點喺海旁見，可能畀人整蠱！」