江若琳、趙碩之、周倩圯、林莉及何超雲等前晚出席中環Harvey Nichols舉行的L'Autre Chose活動，碩之的低胸裙不時下滑，更露出Nude Bra邊，來勢「胸」洶：「我都要小心啲，擺甫士要含蓄啲！」
問到是否於私處紋身？她指着盆骨位置說：「係陰位！紋咗泰文字，解平安健康，因為我入行後着衫性感，會凍親！死啦！我冇話畀媽咪知，不過佢問我，就話係印水紙！」她否認紋身迎戰周秀娜的寫真集，問到寫真集會否全裸示人？她故作神秘地說：「係靚！」
至於風頭被搶的周倩圯則說：「我都想請教佢（碩之），我都想升Cup！不過我都好滿意自己嘅身材，崇尚自然，唔想太過肉彈！（你指碩之係肉彈？）唔好對號入座，只不過前面有肉都會畀人話係肉彈！（你唔羨慕佢有巨胸？）太巨着衫未必好睇！我依家都真空上陣，冇加墊，我好滿足現狀！」而江若琳則恨拍拖恨到出口，希望認識有才華的男士。
