本文重點
陽光少女何思諺（Leanne）青春活潑，原來還十分為食，頭號至愛是食魚！早前她於天后的日本餐廳食魚，甫坐下即瞄準餐牌上各款魚美食，轉眼便叫了一個「燒鮮鮭魚頭」及「KARAHAKI剝皮魚刺身」，又叫了烏冬及沙律做甜品。美食滿枱，她即拿起筷子開餐，首先一啖又一啖鯨吞燒魚頭，十分滿足：「個魚頭燒得唔燶，又唔係好多油，啲肉仲好滑！」
Leanne笑言魚有很多Omega-3魚油，食完會更聰明！其後她食魚刺身，盛讚十分新鮮，轉眼已食了一半：「我細個好鍾意食紅衫魚，可能因為我唔食牛，所以用魚嚟代替，我食好多魚o架！食魚健康，有魚油又有蛋白質，食完皮膚又好啲，所以我差唔多每餐都叫魚食！」她愛食魚的習慣，更感染了身邊的朋友呢！
後記：落手整串燒
身材勁弗的Leanne，食量驚人，食完枱上的食物後還未夠喉，再Order了「牛舌」及「鹽燒海鰻」串燒！好動的她更走到師傅面前要求親自燒，起初她顯得雞手鴨腳，但經指導後燒得有板有眼，還大讚自己整的串燒十分好食！