遺傳了父親愛唱歌、畫畫天分的Fiona，小時候從未想過會出唱片做歌手：「我冇諗過會中o架！」雖然當年Fiona的舅父Peter（即現時經理人）乃華星唱片的高層，但沒想過叫舅父帶她入行：「我唔想靠關係，佢可能都以為我唔係想唱歌，覺得小妹妹想做明星出名啫！」當歌手前，Fiona跟舅父的關係生疏，入行後變得奇妙互動：「舅父介紹我入行後，頭兩年好聽佢話，不過感覺都係生疏，直至呢幾年大家感情好深厚，已經唔係藝人同經理人關係，個心係好錫佢！」

放大圖片	薛凱琪自嘲心智遲熟，不善於處理人際關係。

性格倔強的Fiona跟舅父不時有拗撬，因為大家既是親人，她更毋須做門面工夫，說話從來不會轉彎抹角！她記得有次跟舅父傾談唱片公司續約事宜，舅父直指她的EQ不適合做這行，惹來她反擊：「我咪同佢講：『我EQ低，你都係，因為係遺傳！』」入行以來，她不斷被舅父鞭策：「無論拍戲、唱歌，佢讚我嘅唔會超過3次！佢唔彈、唔話、唔皺眉就已經係讚！」

自嘲心智遲熟

Fiona被舅父認定不適合做這行，不過這跟她的工作能力及態度完全無關：「舅父話我努力練歌同鑽研角色之餘，都要識得處理人際關係，不過我呢方面嘅EQ算低！」以前她不懂控制情緒，很易將私人情緒帶到工作上，但隨着時間浸淫，她終於長大成熟了：「心智未到，唔想刻意扮成熟，我係心智遲熟嘅！」在圈中6年，Fiona對發展感到滿意：「每年一定要有進步，不斷Update自己，如果Outdate咗，莫講話人哋會悶，自己都唔想做，唔會喺度磨爛席！」