貌似「天王嫂」樂基兒的李海瀅(Ana),擁有高挑身形及高學歷,屬「雙高」人士的她坦言,雖然無意做全職模特兒,但行騷卻堅拒「玩玩吓」!
去年 模湧現,惟身高及學歷均被狠批不合格,現年二十歲的李海瀅(Ana)卻是異數,貌似「天王嫂」樂基兒的她,身高178cm(5呎10吋),更是香港大學醫學院學生,身高與學歷均無可挑剔,屬「雙高」人士。
妙手仁心
Ana透露首個工作是在朋友介紹下擔任婚紗騷模特兒,回想當時的情景,她笑說:「完全冇壓力,亦唔緊張,只係覺得有得着婚紗好靚,而且好好玩!我唔知當時表現成點,不過見到觀眾睇得咁開心,應該問題唔大。」其後她向模特兒公司自薦入行,邊讀書邊行騷。立志當醫生的她,雖然無意做全職模特兒,但並沒抱着「玩玩吓」的心態:「無論做任何工作都要專業,我唔會因為諗住將來做醫生,依家做模特兒就求其玩玩吓,我每次影相都係盡力做到最好,唔會交行貨!」
學會執生
入行兩年多的Ana,視每次行騷為寶貴的學習經歷:「有次行騷,我條裙胸前嘅鈕爆開咗,有個模特兒即刻教我雙手叉腰行,就唔會走光,我發現做模特兒並唔簡單,好多嘢要學,仲要識得臨場應變!」
Profile
姓名:李海瀅(Ana)
年齡:20歲
身高:178cm
體重:54kg
三圍:33、25、36
學歷:香港大學醫學院三年級
模特兒公司:Elite Model Management