賭王何鴻燊四太梁安琪昨日出席《保良局己丑及庚寅年董事會交代交職典禮》，兒子猷亨與猷君撐場支持。猷亨早前由家姐超盈代表向o靚模女友文宇講分手，問到是否還傷心？猷亨卻反問：「點會傷心？分咗就算。（覺得被文宇利用？）冇諗呢個問題。」提起對方將合照放上網，他即否認曾拍拖：「我玩玩吓，佢紅咗就恭喜佢囉！我同佢唔熟，希望唔好再拉埋一齊講。（佢係你初戀？）唔係！唔好玩啦！（佢一廂情願？）係佢諗多咗！」
而四太對兒子拍拖表示放心：「佢哋好乖。（女友要畀你過目﹖）唔需要。（想佢哋讀完書先？）梗係啦！」對於賭王與三太外出慶祝結婚紀念，四太自言怕醜毋須慶祝。
