警鐘胸混血名模Jessica C.嚟香港拍咗個廣告之後，即刻成為港男甜心，工作一浪接一浪，計工作量真係勁過好多名模。雖然豬籠入水，不過Jessica原來好慳家，Jessica同小小So講，可能自己喺外國長大，所以自細都成日食麵包醫肚，嚟到香港都一樣，就算依家搵幾多錢都好，都唔會亂買嘢。Jessica話平時好少時間休息，就算有都係去吓沙灘或者做瑜伽，呢兩樣活動都已經唔使用錢，依家最想買嘅，就係一對Boot：「之前去米蘭時對Boot條拉鏈畀我整爛咗，所以依家要買番一對！」係，冇錯，只係一對，佢仲話唔使一定要名牌，千零蚊都已經好貴咁話。咁鬼慳，唔怪得Jessica成日話要儲錢返美國起屋，應該好快就起到！