古巨基昨日出席代言的日本餐廳開幕禮，勁袋七位數字酬勞，大會更送上VIP，問到會否帶女友光顧？基仔說：「呢度好適合一家大細，當然情侶都可以！（怕太開揚？）我單身梗係同家人啦！都會請同事嚟嘅。（請陳志雲嚟？）有機會會再約！」對於有報道指涉貪的陳志雲體重急降，基仔說：「最近冇見，有通過電話，唔覺得佢唔開心。（擔心佢？）會再打畀佢，幫大家叫佢食多啲嘢啦！」
此外，基仔表示曾有開甜品店的念頭：「有諗過！但都係唔夠人做得好，所以都係開設計公司，依家都有計劃同呢間餐廳合作搞平面廣告，仲傾緊。（收兩份錢？）係呀！都係搵兩餐啫！」
