陳法拉與Neway大公子薛世恒屢傳婚訊，為怕感情影響星途，她把戀情隱密亦無可厚非。近年法拉事業發展順利，除無綫點名力捧外，早前更殺入影圈飾演「Laughing嫂」，備受好評，更獲「神級影帝」周潤發點名稱讚。
此外，早前法拉接受本報專訪時，曾解釋如此低調實為保護戀情：「我以前冇諗過要將感情收埋，讀書時同男朋友拖手出街，絕對唔會有避忌，可惜我呢份工作唔可以令我有正常感情生活，如果我要有私人空間，就要咁做……如果同人拍拖又會話你搭上乜乜太子爺，好似有個牌掛喺頸度，令真感情變質，係人都唔想掛住呢個牌！」擺明想把戀情繼續低調下去！
