獎門人曾志偉、錢嘉樂及金剛等前晚為《超級遊戲獎門人大爆發》特別版進行錄影，請來湯盈盈、洪天明、吳家樂、梁靖琪（Toby）及HotCha等擔任嘉賓，焦點自然落在緋聞男女錢嘉樂及湯盈盈身上。

湯盈盈與錢嘉樂成為全晚被玩對象，更被要求示範玩坐爆波，相當親密。

Regen口中只餘少少烏冬，嚇得森美（右）咬唔落口。

對於嘉樂曾笑指有意找盈盈、前女友李珊珊及李麗珍舉行另一個特別版，抵死的天明即表示獎品將會是嘉樂，盈盈聞言笑說：「我要贏呀！（暫時你都係嘅！）Thanks！」一臉風騷的盈盈及後看到電視播出嘉樂模樣，即九秒九飛撲與電視機拍照。而錄影期間，志偉要求盈盈說出喜歡錢嘉樂的理由，她即說：「高大威猛、英俊瀟灑。」嘉樂聞言卻尷尬地說：「我都有啲想反胃。」

到玩口傳百力滋及烏冬環節時，Toby為求勝出不惜與天明嘴對嘴，HotCha成員Regen則幾乎把整條烏冬吞下，令已婚的森美不禁卻步：「棄權呀！好難同屋企女人交代。」而於以胸壓爆氣球的環節上，上圍豐滿的Toby被取笑為「胸對胸飛彈」。

HotCha被笑獸性十足

後來嘉樂與盈盈被要求示範玩另一遊戲，盈盈跳坐在嘉樂髀上，務求壓爆氣球，此時有口痕友說：「生咗未？」嘉樂即笑說：「生咗，係慈姑椗！」當輪到Toby與天明拍檔時，天明卻扮作一臉痛苦，事後問他是否下體受傷，他說：「冇，仲好有彈力。不過以為盈盈啲中女勁，原來HotCha都係傻，完全睇到佢哋嘅獸性。」而嘉樂被問有否為盈盈以胸壓氣球心痛，他說：「有咩？（返去同佢身體檢查？）可惜我唔係醫生。（佢同你喺屋企玩係咪都咁有獸性？）冇同佢喺屋企，一見佢嚟都眼冤！」