一場「曖昧」對「曖昧」之戰一觸即發！Baby與陳偉霆（William）甩拖後感情各自各精彩，眼見William與鄧紫棋（G.E.M.）經常出雙入對，另一邊廂，Baby對緋聞男友黃曉明的態度即加多兩錢肉緊，在微博以「海綿蛋糕」（疑似普通話「曉明大哥」諧音）向新歡隔空傳情！Baby前晚與古天樂、何超雲及椋名凜等出席BMW 5系新車揭幕派對時，對這位「曉明大哥」處處流露曖昧之情，似是把戀情浮面。

「海綿蛋糕」身份被揭，被指是內地紅星黃曉明！

Baby與古天樂出席BMW 5系新車揭幕派對時，以揀車比喻揀男友。

彼此星座夾到痹

對於微博上所寫的「海綿蛋糕」是否指曉明大哥？冧得面紅紅的Baby說：「唔係呀！係公仔海綿寶寶，我真係好鍾意海綿蛋糕㗎！（咁你平時叫佢做曉明大哥、明明定係BB呀？）小明！」記者取笑她暱稱緋聞男友做小明，她又撒嬌說：「唔係，因為曉明同小明國語發音差不多一樣！」雖然Baby否認曾到上海探曉明班，又解釋彼此不會特別見面，但當問到「翻版古天樂」曉明與古仔誰比較靚仔時？Baby說：「兩個都靚仔，其實我鍾意朱古力色嘅男仔，亦都有同古仔合作過！」試圖扯開話題的Baby即透露稍後將赴日本工作，問曉明會否同行，Baby即說：「梗係唔會啦！」

古仔拒做二五仔

自言揀車和揀男友都要好用的Baby，問男友是否需要身家豐厚？她說：「唔使，我係雙魚座！」她又表示經理人Kim跟曉明一樣都是天蠍座，擺明指跟對方很夾，問她是否跟曉明特別投緣？她說：「你哋唔好講到我要嫁畀佢咁啦！如果唔係，我可能要打畀佢講番呢件事畀佢聽，等大家笑吓！（打電話畀佢？）可能啦！」另外，Baby前晚打扮密實，問是否害怕被人再提隆胸一事？她說：「我覺得好無聊，多謝大家咁抬舉，覺得我身材好！」此外，同場的古仔被問到與Baby拍《花田囍事2010》時，是否已覺得對方與曉明有曖昧？他封嘴拒出賣拍檔：「吓！呢啲都係問番當事人好啲！」