日前「巨肺歌后」甄妮來港，宣傳將於下月六至八日假紅館舉行的《甄妮愛SHOW Farewell World Tour》演唱會，她透露退休後會繼續唱歌，但不會再開騷：「我係完美主義者，每次開騷都好緊張同大壓力。」談到理想退休生活，她希望能與多位女性密友同住一間大屋，閒時麻雀耍樂。問到是否想再拍拖？她時而說有人追，但轉頭卻說沒有，並認為已屆知命之年，只想找個伴侶共度餘生，但對方不一定是男人：「女人去到咁上下年紀，都唔需要啦！」
甄妮透露四、五年前險被一名相識逾廿載的城中名媛騙財，令她一肚氣：「佢叫我夾份買樓，我畀咗三百萬，但之後覺得好奇怪，開公司又唔加我名，之後先知層樓賺咗好多錢，但佢瞞住我，仲叫我再掟錢投資，我唔肯，要佢分番啲錢畀我，佢又避我，搞咗好耐，我先追番本金！」但甄妮堅拒透露對方身份，並指她是受身邊女友人唆擺，希望她及早遠離損友。