人氣女模Jessica C.昨日與名模Jocelyn及Amanda S.，以高貴性感打扮出席「全新BMW5系發布會」的新車揭幕儀式。Jessica與巴西籍男友Sergio向來愛得癡纏，惟日前被本報獨家拍到在中環夜蒲時，Sergio竟怒氣沖沖向Jessica指手畫腳！

Jessica透露男友已向她道歉，並買早餐氹她。

Jocelyn（左起）、Jessica C.及Amanda S.在名車前留影，各具美態。

Jessica昨日坦承與男友嗌交，她說：「上星期五我哋蒲完，我諗住返屋企休息，但Sergio堅持要去飲多杯，佢嗰晚飲醉咗，成個細路仔咁，之後我哋返咗屋企，沖涼Cool Down之後就瞓覺，第二日起身佢已經唔記得曾經鬧過我，不過佢答應我以後唔會咁做！（今次係嘈得最犀利？）之前都試過嗌交，但今次最犀利，我好傷心，仲有喊過，不過佢有向我道歉，嗰朝仲買早餐畀我食。」

撐Baby唔使隆胸

對於有傳Angelababy隆胸令上圍升Cup，Jessica說：「可能佢用咗Push-up Bra，我覺得佢唔需要隆胸，佢好Enough（足夠）。（你呢？）No Way，我都覺得好夠，而且做Gym同Spa都可以靚，依家最想整走熊貓眼，不過到咗50歲，我又想後生啲嘅話，或者會考慮吓嘅。」另外，Jessica昨日身穿YSL低胸裙，一度出現離罩情況，「警鐘胸」揮低兩位師姐。

至於身材平平的Amanda表示最近忙於儲錢開餅店，連買衫錢都要慳：「我想喺銅鑼灣開舖，但舖位好貴，所以會睇樓上舖，預算都要300萬左右。」