前Cookies成員區文詩（Angela）最近事業、愛情兩得意，除咗推出唱片外，同日籍男模鈴木仁又感情穩定，成日畀人影到糖黐豆咁拍拖！小小So知道鈴木仁嘅中文係「有限公司」，而Angela嘅日文亦係「半桶水」，所以佢哋拍拖時，通常用英語交談。
早排鈴木仁喺中環開咗間時裝店，身為「女主人」嘅Angela梗係瞓身支持啦！小小So知道佢有時會着時裝店啲衫，實行做埋「生招牌」，又可以慳啲置裝費，真係一舉兩得！佢試衫嗰陣都會問吓鈴木仁意見，梗係啦！話晒男友係模特兒出身，點都有啲時裝觸覺，當鈴木仁發覺啲衫唔適合女友時，會即場幫佢襯過另一套，直至大家都滿意為止，真係又Sweet又細心，搞到小小So非常妒忌！而且佢哋嘅小動作，真係好似一對小夫妻，好有「夫唱婦隨」Feel，小小So都希望佢哋快啲拉埋天窗，組織小家庭啦！