孫耀威製作經年的新碟終於面世，昨日他在活方商場舉行新碟發布會，並擔任周大福《ctf2 Coco Cat Bling Bling造型設計大賽》的首席評審，即席設計一隻Coco Cat。他坦言這張大碟得來不易，是他出過近30張碟以來最珍惜的一次：「之前因為失聲，擔心出唔到，我出埋呢隻碟就完晒份合約，以為連份約都埋唔到，好彩把聲返番嚟。依家可以過正常男人嘅生活，食辣嘢、飲啤酒同飲紅酒，想講嘢大聲啲都OK，好開心。（合約傾成點？）七七八八，但未Firm，想諗清楚條路點行先簽，而且我仲爭台灣經理人片債。」
