由「美味天使」成員「柑桔」陳蕊蕊、「香蕉」王淑玲、「藍莓」劉俐及「蜜瓜」關婉珊組成的組合Angel（暫名），為闖樂壇積極練兵。柑桔坦言Angel的誕生全賴《美女廚房》監製錢國偉（Wilson），對於Wilson近日捲入涉貪案，不少藝員紛紛與他劃清界線，但柑桔不避嫌表示曾SMS問候對方：「佢有覆我話OK，見佢冇事我都安樂啲！（有指藍莓『落閘』話同Wilson唔熟？）我估佢唔係咁嘅意思，佢有時要拍劇，少啲同我哋一齊食飯。」她又否認Wilson帶一班天使出席飯局：「有人搵我做嘢嘅話，Wilson都會叫對方直接搵我，經佢嘅都係TVB工作！（出席飯局有錢收？）冇！我哋食飯都係同啲識嘅人，冇收過酬勞！」