繼年初勇奪無綫「亞太區最受歡迎香港男歌星」後，林峯前晚在《IFPI香港唱片銷量大獎2009》中連奪3獎，成為男歌手大羸家，令他相當興奮！他說：「公司有報銷量畀我知，演唱會之前已經有白金數字，之後又有演唱會DVD。」他希望今年能再下一城，現正籌備國語碟，吸納香港以外的歌迷。由於四大唱片公司退出IFPI，問到可會擔心被指欠公信力？他表示無論賽果如何，都會有不同意見：「上年仲有『四大』，我都有打入十大銷量，不過今年冇『四大』冇咁熱鬧，希望下年多啲人參與！」
至於獲頒「最暢銷本地女新人」的徐子珊表示，很多海外歌迷託香港歌迷代購唱片：「因為我隻碟冇海外發行，不過好多寄失同損毀咗，所以佢哋又再買多隻，可能因為咁，所以銷量高囉！」
她現正籌備新碟，不排除繼續行性感。另外，鄭融、蔡健雅及盧廣仲亦有獲獎，自然喜上眉梢。
