祖兒前晚以Bless全黑造型亮相，橫掃4.5獎的她雖然聲沙沙，但未有影響演出，還跟王菀之及何韻詩傾偈。她說：「我諗香港啲空氣真係好差，之前喺澳洲都冇事，要帶個氧氣箱出街先得喇！」雖然將舉行幾場演唱會，但她堅拒打類固醇針：「次次打完就會變Pizza面，所以唔想睇！陳奕迅有介紹過我睇『仁神術』，不過我諗住月底返內地做針灸，仲掂喎！」問到為何不請醫師來港？她指醫師年紀較大，要女兒陪伴才可外遊。

領獎之餘，何韻詩（左起）、祖兒、王菀之及衞蘭在台上傾個不停。

Janice與師弟李治廷去年成績理想，齊齊捧獎而回。

衞蘭讚Jill變乖

至於衞蘭（Janice）則奪「全年最高銷量本地女歌手」等4獎，連祖兒都有捧場兼讚好聽，不過Janice坦言攞獎只是Bonus，不會與其他歌手比較，向來只是自己鬥自己，問到有何慶祝活動？她說：「我13號生日，到時先一齊慶祝！」對於有報道指妹妹衞詩（Jill）信主後變乖，因而獲老闆黎明准許多點見面，她亦坦承此事：「感謝主！我同妹妹好早已經一齊住，佢已經180度轉變，我都受感染，改咗啲壞習慣，學識更加細心！」她指妹妹經常在家中做音樂，最常去教會，問到可會向黎明求情？她說：「雖然妹妹仲熱愛唱歌，不過一切順其自然啦！」

另外，張國榮的紀念專輯《最紅》奪「最高銷量廣東唱片」，由哥哥生前的經理人陳淑芬代領，她致謝時不禁眼濕濕，場面感人！