名模馬詩慧（Janet）一向Keep住樣靚身材正，而且持家有道，唔只管教仔女得宜，對「靚佬」王敏德都一樣御夫有術！小小So有次同Janet傾開，話好多名人、明星周不時被傳媒影到偷食，Janet話兩公婆相處係講個信字，最緊要畀空間對方，又要有良好嘅緊密溝通。
王敏德結婚之後一直都係零緋聞，仲要保養得宜，小小So話知道有啲名人、明星講過，會刻意谷肥老公，等佢魅力大減，要拈花惹草都冇咁易，Janet聽完即刻哈哈大笑話：「嘩！咁我咪好蝕底？我仲要對住佢幾廿年，整醜佢點帶佢出街見人？我真係唔會咁蠢！呢個方法好搵自己笨，梗係一齊靚先至啱o架嘛！」