洪卓立（Ken）每逢開工都會帶備「走佬袋」，袋中由銀包、相機、iPod、Headphone、電鬚刨、化妝袋、Cap帽、牙線、開聲藥至手提電話都有，全是必需品！他表示放假出街時，除銀包及手提電話外，其他東西都可免則免。至於近期必備則是他的新玩意─相機，他說：「之前屋企部電腦壞咗，由我入行開始儲喺入面嘅相全部冇晒，依家買咗部新相機，咪日日係咁影，影番夠本囉！」
最意外的是袋中沒有遊戲機，反而有電鬚刨及牙線，但他否認貪靚：「啲鬚上晝剃完，下晝就開始出番嚟；牙線就係聽牙醫話，食完嘢幫啲牙清潔，啲牙先會Keep得好。」至於開聲藥則是好友王祖藍介紹，作為歌手，每遇到喉嚨不適，他都會於開騷前食粒開聲藥，令聲線變得柔潤。