05/04/2010

Mancy粉飾春夏

本文重點
「天王嫂」樂基兒的師妹鄭文斯(Mancy ),與師姐同樣熱衷時裝設計,她重點推介春夏季的粉色服裝系列及鎖鏈飾物。

鄭文斯六年前認識「天王嫂」樂基兒,因而進身模界,對時裝設計有濃厚興趣的她認為,粉色及鎖鏈是春夏季大熱Items:「嚟緊以Pastel Color(粉色系)為主,今季嘅時裝騷少咗窩釘,反而多咗Chain(鎖鏈)放喺鞋同袋度。」她強調時裝配襯要因應季節:「簡單舒服嘅衫最啱香港嘅夏天,我鍾意着Loose Fit(鬆身)衣物,好似示範嘅淺灰色蝙蝠袖針織衫咁,而Fake Print Tee亦好特別。配飾就視乎着乜衫,如果件衫太單調先會加首飾,平時着Tee同剪裁靚嘅牛仔褲已經好靚,唔需要太多層次。我最怕見到迷你裙襯厚重嘅毛毛短靴,喺視覺上好混亂,唔知係秋冬季定春夏季,呢啲打扮只係啱溫差大嘅日本。」

愛McQueen雙性化

此外,Mancy喜歡剛柔並重的風格:「我鍾意糅合男性化同女性化嘅打扮,會着窄身Pencil Skirt同西裝褸,平時行街就着Tee同波鞋,我好懶,所以會戴住戴開嘅手鈪同耳環。」在芸芸品牌中,她鍾情兩大品牌:「我鍾意Alexander McQueen啲衫女人得嚟又好男性化,所以佢逝世真係好可惜。而Casual就會揀Stella McCartney,將Couture(高檔)同Sporty(運動)元素加埋,而淺灰同淺粉紅特別靚。」

專案組