狄娜兒子馬天如（Michael）連日來離港處理私務，但愛母情切的他，吩咐秘書安排母親身後事，以便他於假期後的首個工作日（即後日）為母親領取死亡證，處理殮葬事宜。雖然狄娜遺願不想高調舉殯，但有傳追思會將安排在北京及歐洲等地舉行，遺物則考慮送到電影資料博物館展覽。對此，狄娜私人助理伍小姐（Candice）昨日否認有此等安排。

自掏腰包買戲服

Candice說：「冇咁嘅事！我冇聽過梁小姐（狄娜）嘅追思會安排喺北京、歐洲度搞，係都安排喺香港進行，佢家人都喺香港，好似梁小姐大哥、細佬、兩個妹都喺香港，梁小姐病時佢哋都有探佢，留喺佢身邊。至於有講將梁小姐遺物送去電影資料博物館，我喺梁小姐身邊三十年，都冇聽過佢邊件衫或者邊件物品係好有紀念價值，況且梁小姐又唔係做大戲，亦冇咩戲服可以攞出嚟展覽，如果拍戲時候啲衫，佢好多都係自己買，經典戲服又冇，如果係一啲舊衫，又點揀出嚟展覽呢？以我覺得成數唔高。」

另外，早前在宣布狄娜死訊的記者會上發言的陳先生表示，不知道有關追思會及捐遺物的傳聞，他並透露稍後會出門旅行，狄娜的身後事全交由其家人處理。