最近忙於籌備紅館騷的Twins，昨日於新都城舉行《人人彈起》簽唱會，吸引大批歌迷撐場！阿Sa面對歌迷刻意擠出笑容，表演新歌時又跳又唱，表現投入！Sa基戀宣布離婚收場後，令外界有不少揣測，飽受壓力的阿Sa繼續工作，雖然台上表現未受影響，但接受訪問時「精靈度」跌Watt，提到有關傳言，包括指阿Sa結識內地富商馬化騰、密友以死威脅及瞞婚事件影響與唱片公司續約條件等，她表示不會為不實報道作回應：「同公司有共識，已經出咗律師信，同埋馬……（記者提水）馬化騰都出咗。」問到是否認識對方？她即擰頭說：「唔會回應！（以後少接觸異性？）我都冇接觸過！」

「會承擔所有嘢」

問到是否將控告所有不實報道？阿Sa說：「唔想回應有敵意嘅報道！想搞好演唱會！（聯絡鄭中基？）唔回應喇！（撐得辛苦？）OK啦！」問到過去是否以「已婚」身份報稅？她說：「唔回應！（怕稅局追究？）我會去承擔所有要承擔嘅嘢！」

Twins與小妹妹鬥擺甫士，可愛又搞笑。

Twins的簽唱會吸引不少人撐場，號召力依然強勁。

Twins近日忙於綵排演唱會，阿嬌說：「仲有6首歌嘅舞未排，今次啲舞連Dancers都覺得節奏好快！」有報道指演唱會將會是Twins的「畢業禮」，完成後她們將正式分拆攻娛樂圈，對此阿Sa堅決說不，而阿嬌則說：「未安排到咁遠！咁拍戲嗰啲向來都有分開，出碟就兩樣（組合及個人形式）都會。」