崔建邦早前因涉嫌毆打模特兒女友鄺敏慧，令事業隨即叫停，有指其伯樂陳志雲悉心搭路安排他到非洲探訪洗底。日前崔建邦和黃家強起程往當地，並坐三小時車程到非洲土人部落，因道路崎嶇不平，兩人到埗後即說：「真係扽到肺到甩！」

崔建邦與非洲人相處融洽，體驗良多。

中巴由日本返港後，身形脹爆不少。

面對惡劣環境，崔建邦學懂平靜，他說：「去到呢個地方，成個人都感到喜悅，覺得好平靜同祥和，可能習慣咗城市生活，嚟到呢到心境有啲唔同。」由於當地沒有廁所，他透露眾人都是在簡陋的石牆內解決。

中巴脹爆返港

此外，鄺敏慧（中巴）昨日在荃灣悅來坊出席亞洲電視《第十五屆十大電視廣告頒獎典禮》，身形脹爆的她說：「唔係肥咗，係水腫！（崔建邦去非洲探訪想洗底？）唔想講。（想庭外和解？）冇諗件案，依家工作至上。（唔再追究到底？）喺日本做完嘢返嚟，要等警方處理，唔太清楚進展。（喺日本識男仔？）男仔女仔Model都有識。（拍拖？）冇，將家人同工作放第一位。」