有傳李彩華（Rain）因不滿舊公司，將資源投放在江若琳（Elanne）身上，故自掏腰包以七位數字解約。Elanne與周柏豪昨日出席活動時，對傳言予以否認，她說：「完全冇咁嘅事。（唔開心？）唔會為傳言唔開心。」她表示不知道Rain解約，與對方亦甚少聯絡。另外，她笑言被公司指「烏Where」，故的起心肝豪花五位數字置裝。
而Rain貼錢與舊公司解決合約糾紛後，終放下心頭大石，她簽約新經理人公司後，將主力拍劇和電影，也會推出唱片。Rain近年在內地密密掘金，成為圈中小富婆：「呢幾年儲咗好多錢，依家要努力做嘢賺錢，我同新經理人多咗溝通，而且安排得幾好，好快賺番。（搏殺期？）係呀！依家事業行先，結婚免問。（瞞婚？）咁又唔會。」