狄娜在《大軍閥》的全裸鏡頭轟動一時，但她在遺著中自揭這場戲是騙局，實情是導演李翰祥裝了另一個鏡頭拍攝，此戲的女主角何琍琍表示，從未與狄娜同場，但信有此事：「都有可能，因為狄娜嗰時都唔需要咁做！（你同李翰祥熟唔熟？）我拍過佢兩套戲，但私下冇乜聯絡，我結婚之後佢都有叫我再拍戲，但我冇答應。（有冇要求你性感演出？）冇！我好有原則，唔會拍呢啲戲！」雖然何琍琍與狄娜並不相熟，但大讚對方勤力：「我最記得有一次，我同老公趙世光飛去倫敦，喺飛機上遇到狄娜，佢埋頭苦幹咁寫嘢，我問佢寫乜，佢話喺度寫緊演講稿，我覺得佢真係好本事，分秒必爭，而且係自我提升嘅女人！」