名主持鄭裕玲（嘟姐）小學時期已封狄娜為偶像，她表示欣賞其外在美及口才，並在對方身上學到堅持和懂得Say No，嘟姐說：「我讀小學嗰陣，已經睇佢嘅《狄娜與我》、《得咗》，佢係我偶像，因為佢做主持技巧非常好，幾年前我主持《城巿追擊》有機會訪問佢。（有咩好深刻？）佢嘅堅持！因為當年係錄播，但狄娜要求直播，佢好聰明，唔想訪問被剪輯，後嚟一人行一步，變做半小時前錄播，剪輯都冇時間。」口才了得的嘟姐更直言被「考起」，因狄娜答問題甚有立場：「當時我提到佢個女由千金變公子，狄娜話唔可以答，因為佢個仔唔喺現場，所以唔可以代答，我當時心諗點問落去，好彩我都做足資料搜集，佢自己嘅嘢都好肯講，先平衡到。」嘟姐直言上了寶貴一課，一生受用！