為慶祝新碟在全亞洲銷量突破20萬張，張學友昨日在戲院舉行祝捷會。他自爆豪擲逾50萬元拍新歌《Double Trouble》MV，導演夏永康、陳國輝及MV女主角名模杜鵑都是義助：「唔係一定過百萬，感覺到唱片公司嘅痛苦。（肉痛？）唔諗唔肉痛，唔諗銷量，算係意外收穫。（戲院首播MV，因為少咗無綫宣傳？）唔可以咁講，無綫係大媒體，大家各有方針，暫時無法合作，但唔係永遠唔得。」
對於鄭中基（Ronald）與蔡卓妍秘密結婚，學友說：「好多年前佢（Ronald）就通知我。（話喺美國結婚？）冇問，所以爆料嗰個唔係我。（嗰時你知佢老婆係邊個？）冇問，但大家明o架啦！（佢哋辦離婚？）始終係佢兩個嘅事，外人好難理解。」此外，學友與湯唯日前為婚慶雜誌《大日子darizi》拍封面，年屆30歲的湯唯坦言憧憬婚姻，但是很遠的事。