馬國明喺新劇《鐵馬尋橋》中飾演元秋個仔，仲同鄭嘉穎有唔少武打場面，雖然佢同嘉穎都係後生仔，理應有氣有力，但佢同小小So講，佢哋嘅身手遠遠不及元秋呀！
首次同元秋合作嘅馬國明，對呢位前輩有讚冇彈，佢同小小So講，元秋唔只身手好，而且記性仲好，佢話：「元秋真係一個女中豪傑，除咗對後輩好好之外，記性亦都好好！好似之前有場戲要佢打十幾招，佢好犀利，全部記得晒，仲一Take搞掂。喺劇入面，我同嘉穎身手好似好好咁，但實質都唔夠元秋靈活！」小小So好奇問佢：「咁你有冇試過同元秋對打？」佢即刻話：「未試過，佢只係從旁指導，如果對打，我諗我一定唔夠打喇！」