徐濠縈昨日出席活動時表示，早前因食物中毒，數小時內屙足20多次，最後入院求診：「今日都仲要去洗手間，個女見到我咁都喊呀！」問到是否由老公陳奕迅（Eason）送入院？她說：「唔係呀！我見佢瞓緊覺，費事嘈醒佢，又唔想佢擔心，最後由朋友送我去醫院！」她慶幸入院途中的半小時，沒有需要上洗手間：「我到咗醫院之後，肚痛得好犀利，照攤喺梳化休息！」另外，她否認與經理人Kim不咬弦：「我嘅工作量又唔係多，唔易有摩擦！Kim好好人，合作得好開心！」