余文樂及楊千嬅前晚宣傳新片《志明與春嬌》，千嬅更與大隻男一起出場：「佢再大隻都唔及我老公，佢呢排食量驚人，身形暴脹，我要監督佢減肥！（喼弗影結婚相？）遲啲先啦！（去邊度影？）都係啲園林實景！其實去邊度影都得，電腦效果Key落去咪得囉！」但她願意嫁雞隨雞，可能到上海或潮州取景。
另外，《志》片上映至今贏盡口碑，票房收逾160萬元，不過余文樂坦言未達標：「初時都心灰同氣餒，套戲被列為三級，搞到院商每日只播幾場！做生意不外乎人情，希望多啲場次！」他表示有誠意的電影卻得此回報，擔心難以再找投資者開戲！另外，Jessica C.與貝安琪同樣以低胸裝上陣，輕易成為焦點。
