昨日Angelababy、Jessica C.、Hailey C.、Annie G.和楊汀叮等擔任日本潮牌Duras Ambient時裝店開幕活動的剪綵嘉賓。穿上性感Tube Dress的Baby透露，下月開始拍攝寫真：「今年呢本會係呢幾年嘅最後一本，出年唔會再出。（有咩賣點？）搵咗好強勁嘅班底。（最後一次終極性感？）對我嚟講係。（着三點式？）未知。（全裸遮三點？）成件事係靚同有型我都接受。（增肥成功，考慮着多啲比堅尼？）豐滿咗未必要着三點式。」

Jessica C.谷胸上陣，十分誘人！

Hailey C.（左）和Annie G.穿比堅尼Top，性感養眼！

拒送唇印給黃曉明

問到是否因與黃曉明傳緋聞而告別寫真界，Baby說：「唔係，因為嚟緊大半年會拍電影，冇乜時間拍寫真，每次拍寫真自己都會好投入，會參與好多後期工作。（有報道話你戀情明朗化？）冇，大家都係好朋友。（送過寫真畀黃曉明？）冇。（呢本會唔會送？）到時先算。（印個紅唇先送？）擔心佢誤會諗多咗！」

楊汀叮露出香肩，實行「膊」出位。

Baby與品牌高層和徐濠縈等開香檳，賀時裝店開幕。

此外，談到蔡卓妍和鄭中基分別剷掉愛的紋身，同樣有紋身的Baby透露不會洗掉，至於腳上的花花紋身是否愛的紋身？她笑說：「唔係，貪靚啫！但我冇後悔紋身。（將來為男友紋愛的紋身？）我諗我結咗婚先會考慮紋對方個名，一日未結婚都唔知邊個係真命天子！」她又笑言肚上的十字紋身，將來懷孕時必定變形，但她並不擔心，因可更改圖案。