與狄娜在《2006年香港小姐競選》中合作的曾志偉，昨日在上海接受電話訪問時說：「聽到狄娜姐姐過身好難受。（你哋喺港姐決賽中交惡？）絕對冇，我不知幾尊重狄娜姐姐，根本冇嘈過交。其實港姐嗰次係我最後一次見佢，佢嗰份嚴謹同認真工作嘅態度，令我印象好深，佢博學健談，雖然同我哋唔熟，但表現都好友善。（點睇狄娜家人想低調處理佢嘅後事？）每個人都有自己睇法，可以自由選擇告別儀式，希望佢哋節哀順變。」

狄娜與候選港姐見面，與她們分享「美」的心得。

06年狄娜出任港姐評判，陳茵媺因與她的一席話終生受用。

陳茵媺銘記教誨

而曾被狄娜彈過「頭髮染到五顏六色，扮到隻彩雀咁」的陳百祥，昨日亦否認與狄娜交惡，他說：「絕對冇，06年港姐我哋只係傾偈啫！佢口才同反應都好好，份人真係叻到不得了，佢逝世令人惋惜，希望佢家人節哀順變。」06年港姐冠軍陳茵媺則指狄娜對她的寄語，令她受用一生，她說：「當年狄娜做評判，我好欣賞佢，當年佢畀咗啲人生貼士我哋，佢話：『無論人哋點睇，都要做自己』，令我畢生受用，佢嘅抗病經過都好Tough（堅強），係好榜樣。」