陳婉珍：我有睇佢主持嘅節目同演過嘅電影，佢係一位智慧型女士。（佢拍戲好大膽？）睇乜角度啫！佢好有獨特風格，做乜之前都會深思熟慮，真係做得好成功，我好佩服佢！

邵氏高層黃家禧：當年狄娜拍《大軍閥》好震撼，引起社會好大回響，我嗰時都未入邵氏。社會痛失呢位人才，令人惋惜。

汪明荃：我同佢唔係好熟，我聽過佢嘅事，覺得佢好叻，好有自己風格。（突然？）都唔係，之前報紙都有報道，但佢年紀唔係好大，好惋惜！

何守信：我喺多倫多，都係你話我知狄娜病逝嘅消息，好愕然，當然可惜啦！我同狄娜唔熟，亦合作唔多。（狄娜早年曾經同劉家傑相戀？）我喺多倫多見過劉家傑，只知道佢冇再婚，現已退休，佢同仔、女住喺美國洛杉磯。

何韻詩在微博留言：吓！原來狄娜姐姐離世了！哎呀！太可惜了，看來我們這個地方仍是沒有能力留住這些英雄人物，又一位我尊敬及仰慕的前輩離開我們。