本文重點
不少女星曾模仿狄娜，王晶還多次將有關狄娜的點滴改編搬上銀幕，年前他貪《七擒七縱七色狼》片名特別，找來與狄娜身形一樣勁爆的孟瑤扮演性感尤物。當年開拍電視劇《影城大亨》時，他亦安排麥家琪化身狄娜，其「仰慕之情」可謂不言而喻！抱恙的他在內地接獲狄娜死訊，只簡單地說：「啱啱知道，有記者打過嚟，冇嘢可以講。（會拍戲向佢致敬？）暫時未有呢個打算。」隨即匆匆收線，一改平日侃侃而談的作風。
孟瑤表示雖然不認識這位前輩，但相當難過：「好可惜！香港又少位才華巨星！我拍《七》片海報時，有參考過佢啲相片，佢用條羽毛遮住自己，我覺得佢好性感、大膽同專業，嗰個年代佢好前衞。」麥家琪則說：「當年王晶搵我扮狄娜姐姐，可能覺得我哋外形有啲似，不過內涵一定差好多，當時我都靠化妝同道具搭夠。雖然狄娜姐姐只係活到65歲，不過人生最重要係活得精彩，我相信佢一定精彩。」
鍾麗緹讚獨立堅強
張文慈則大表可惜：「佢由艷星做到才女，然後再從商，真係好有才華！我好欣賞佢！佢絕對係傳奇女人、女中豪傑。」曾在電影《鬼馬狂想曲》中扮狄娜的鍾麗緹，昨日在長途電話中大讚狄娜是一位很叻、很Modern、獨立又堅強的人，她認為在昔日的保守年代，狄娜在片中表現很靚、很有自信的性感，希望大家記着她的樂觀及正確的人生觀。
另外，當年憑惹火身材進軍娛圈的張慧儀，效法狄娜棄影從商，她說：「我拍《精》片時已經同傳媒講，話學到狄娜姐姐就好嘞，我當然好敬佩佢，覺得佢係一個典範，我好明白女藝人要轉型去商界遇到嘅困難，要做得成功真係得來不易！」