走過艷星之路的狄娜，曾在大銀幕作全裸演出，被封「第一代肉彈」，惟她曾被罵「波大冇腦」，令她大感難受，她曾說：「我依家做事面對商場上嘅人，都要不停去掩飾曾經覺得羞恥嘅賣肉演出。」不少o靚模去年在書展推出性感寫真集，狄娜不忍賣肉歪風令書展變質，曾苦口婆心勸勉她們。

A.Lin大讚狄娜對中國航天及衞星發展有很大貢獻。

鍾蕙芝（左）及胡心諾對狄娜病逝表惋惜。

去年推出噴血寫真集，被轟意識不良的周秀娜，對於狄娜病逝感愕然，她大讚狄娜是香港一個傳奇人物：「佢講嘅都會聽，會咀嚼佢嘅說話。」但她認為時代不同，深明自己方向，絕不後悔，亦不會對號入座：「我會學佢不斷向前，但我對生意數口唔熟，將來未必會行佢條路，但都希望可以對社會、國家作出貢獻。」

鍾蕙芝望效法從商

A.Lin讚狄娜雖然病了很久，但仍勇敢面對生命，又表示有聽狄娜勸喻：「始終邊個想咁性感？我會Handle底線，唔會刻意去露。」鍾蕙芝大讚狄娜以前的照片驚艷：「佢係才貌兼備嘅女中豪傑，講嘅嘢好有代表性，點醒好多後輩，佢有外表、智慧同內涵，希望以佢為目標，將來從商。」Hailey C.則直言作為80後識得諗，但讚前輩是性感Icon。胡心諾說：「有聽佢說話，會裝備好自己。」Jessica C.則說：「見到中環有悼念活動，係張國榮忌辰，佢兩個係娛樂圈好出色嘅人，離世令人傷感。」楊汀叮說：「對消息好突然！」Angelababy直認對狄娜不太熟悉：「知佢係一代艷星，呢個圈少咗代表人物，好可惜。」