由上位女模諸葛梓岐衍生出嚟嘅新名詞「公主病」，一時間成為港女嘅最大特徵，不過，作為始作俑者嘅佢，竟然同小小So講自己「冇病」！原來佢發覺表妹嘅「病情」比佢嚴重得多，所以覺得自己「痊愈」喇喎！
梓 岐：講真，我不嬲覺得自己冇病，好正常，係人哋話我有啫！其實我改變咗好多，去日本都冇買嘢啦！
小小So：你冇病，咁有冇見過真正「公主病」嘅人？
梓 岐：我表妹真係好公主，唔係Prada、Gucci呢啲靚牌子唔會着，佢今年先得16歲，覺得Shopping好緊要！
小小So：咁食嘢係咪都要求好高？
梓 岐：表妹見到葱唔食，先係「公主病」，我食嘢都OK，同我做過嘢嘅人都知道我好Nice。
小小So：男友有冇投訴你有「公主病」？
梓 岐：我投訴佢有「公子病」就真！講笑咋！其實佢好隨和，大家相處好開心，如果我有「公主病」，佢都頂我唔順啦！