01/04/2010

播放本新聞相關短片

盧巧音DIY飾物顯創意

盧巧音(Candy)穿衣講求自我風格,近年她愛上DIY服裝及飾物,她說:「平時出去買衫好多時同藝人撞衫,但自己設計衫就唔同,可以發揮無限創意,款式、顏色、布料、剪裁都可以自己設計,只此一件,就唔怕同人撞衫啦!」

此外,Candy亦愛親手製作飾物,包括耳環、頸鏈、吊墜、手鏈及腰鏈等,她興奮地說:「唔好以為呢啲飾物好難整,其實只要有心機係好容易,好多鏈都只係將珠仔串起嚟,小朋友都識串,出面可能要賣成幾百蚊,但我只係用咗幾十蚊就搞掂喇!」身為藝人的Candy為了設計心頭好,亦會到深水埗及內地等地方捐窿捐罅「尋寶」,她說:「香港唔係冇呢啲材料,但價錢就較內地貴好多,所以一有時間我就同幾個朋友一齊北上買材料,款式又齊又平,每次上親去都一大袋返香港!」