拉丁歌手Ricky Martin前年找代母誕下一對孖仔，多年來一直被揣測其性取向，前日他在Blog中承認同志身份，首次出櫃的他說：「我可以好自豪咁話，我係一位幸運嘅同性戀者，仲為可以做番自我而感到恩賜。」原籍波多黎各的Ricky透露，幾個月前開始寫個人回憶錄，想到囝囝Matteo和Valentino，決定公開個人性取向，他說：「繼續以往嘅生活，將會間接影響囝囝嘅成長。」他認為現在需要一個改變：「今日係我嘅大日子！」
對此，反歧視同性戀者組織GLAAD主席Jarrett Barrios讚揚Ricky，指他坦率地公開身份，可令世界各地的同性戀者得到更多的認同。Ricky於99年憑一曲《Livin' La Vida Loca》走紅，曾與墨西哥電視女主持Rebecca de Alba拍拖多年，不過二人於05年分手收場，其實他去年接受訪問時亦曾暗示同性戀的身份。